اوشيانا

الحمدالله تعشينا في المكان وكان لي معاه ذكريات جميله وماتغير الا للافضل مكان كان يدمج معاه اكل الهندي والصيني ولاكن الان بس اطباق هنديه كانت تجربه حلوه زمان جيته من ١٥ سنه ومازال موجود فيه اطباق تغيرت ونادحين جيت بالبرد الاكل حار ومع البرد حلو الحقو قبل الصيف 😂 بس من جد اطلبو بارد او حار رح يلبون طلبكم

هذا بالنسبة لي مطعم الذكريات .. الديكورات على حالها بس المكان نظيف جدا حتى دورات المياة نظيفة ( ياليت لو في صيانة و تجديد لها ) . الاكل صراحة جا مضبوط بنفس الطعم و الجودةو النكهة اللذيذة المميزة .. و تقدرين تتحكمين بحرارة الاكل ( سبايسي او لا ) . طلبنا برياني سمك - و هو الذ برياني سمك ذقته الى الان - و سمك فيليه قطع . و دجاج بالزبدة كان حلو .. دجاج تبيتيان هو الطبق المميز عندهم ، جاته فترة مو حلو بس امس جربته و كان روعة نفس قبل .. معكرونة اسباغيتي بالصوص الابيض ( لذييييذه ) . الخبز اللي جانا مع الاكل شباتي .. و كان تغيير و اضافة جدا جميلة للاكل .. في طبق اضافي اكرمنا فيه الطباخ وهو سيزلينغ دجاج و للأمانة نكهة الدجاج كانت حلوة و موزونه النكهات . بطاطس مقلي و عصير مانجو و بيبسي .. بالنهاية كان السعر جداً ممتاز مقارنة ببقية المطاعم الهندية ..

الأكل لذيييذ لذيييذ لذيييذ طلبنا شووبة بخريك و سيزلنق ربيان و برياني سمك وتكة دجاج كل شيء لذيذ ومميز لكن المكان يحتاج تجديد جلسات

جدا لذيذ اكلهم طلبنا شوربة بحرية، سيزلينق، دجاج زبدة كلهم حبيتهم اكثر شيء سيزيلينق انصحكم فيه عيبهم مكانهم والجلسة جداً سيئة وقديمة

مطعم ممتاز ورائع والآن جالسين يعدلون الديكور ويجددونه وكذلك المغاسل ودورات المياة انصحكم بدجاج تيرميندو ودجاج تيبتين والشوربة البحرية

مكآن جدا جميل واستراتيجي وعند البحر اما من ناحية الخدمة جيده نوعاً ما والاكل لذيذ ويكثرون الكمية بالطبق ويصلح للعوايل اللي عددهم كبير .

الاكل حلو طلبنا رز بالخضار كان نثري ولذيذ ودجاج بالزبده الحراره خفيفه مع اني احب السبايسي بس كان حلو سلطه الفتوش لذيييذه ، عصير كوكتيل ماعجبني صراحة ، جينا بعد صلاه الجمعه ولسا ماكانوا مستعدين والعمال ينظوا ويمسحوا المطعم زحمه ماشاء الله فيه اطفال وازعاج مافي بارتش اطلاله عالبحر

مطعم اوشيانا من المطاعم المحليه الممتازه استقبال فخم ، نظيف اكل محترم هدوء عنده الربيان لذيذ و التكه دجاج رهيب والمسالا الهنديه رهيب انصح بزيارته

الاكل لذيذ جدا انصح بتجربة دجاج تيرمندوا. سمبوسة الجبن. دجاج بالزبدة. برياني لحم او دجاج. الحمص والمتبل. خبز التنور . الخدمة سريعة

من المطاعم المميزه والقديمة ويتميز بأكلاته الهنديه والصينية وغيرها واسعاره مناسبه

لذيذ جدا سواء القسم الصيني او الهندي نكهات لذيذه وكميات مناسبه وعندهم حواجز ( بارتشن) للعوايل المحتشمة . جربنا سمك حامض حـڵـــو يفوز وكذلك دجاج بالزبده ورز برياني وساده وشوربة ماكولات بحريه لذيذه ومكرونه بالدجاج كل طبق صراحة الذ من الثاني وحطوا ضيافة خبز نان مع الاكل واسعاره معقوله جدا والموظفين لطيفين وسريعين 👌🏻اكرر التجربه